انت عمري
دي مش أغنية كوكب الشرق الشهيرة .... لا
دي جملة من كلمتين في منتهي البساطة .. ظاهرهما مشاعر فياضة ونتائجهما غاية في الخطورة .
الكلام ده معناه ايه ؟؟
الجملة دي وغيرها من الجمل زي مثلا انت /ي فرحتي – انت /ي سندي وظهري – انت/ي حياتي ونقيس عليها جمل أطول شويه زي ايه .؟
حياتي من غيرك ماتساويش
انا من بعدك ماليش حد
انا عمري ابتدأ يوم ماعرفتك
انا قلبي كله معاك
الكلام ده ياجماعة ظاهره عادي جدا لكن لو فعلا نتائجه غير مرغوبة .
طيب نفسر بالراحه ...
الشعور ده بيجي منين ؟؟ من الفكر اللي بيتكون من المواقف
بمعني موقف بيكون فكرة بيكون شعور والشعور بيكون سلوك
طيب حلو جدا يعني ايه
يعني انا لما بقول لحد انت عمري .
التعليق طيب ماهو عادي يعني في حد عمر حد او هيديه عمره
الإجابه بقى اه
وهقول ازاي
العقل والجسم كلاهما مترابطان يتأثران ويؤثر كل منهما في الآخر
بمعني
العقل ليه ذاكره بتخزن كل مانمر بيه من مواقف سواء سلبية أو ايجابية اللي من خلالها بتتكون افكارنا ومشاعرنا
ده معروف للجميع
لكن مالايعلمه الكثيرون ان الجسد له ايضا ذاكره بيختزن فيه ذاكرياته
معقول ده ؟؟؟
ايوه ده معقول جدااااا فالعقل يخزن والجسد يخزن وكلاهما يأثر ويتأثر بالآخر فنلاقي حاجات تحصل في حياتنا بدون اسباب والغريب اننا بنعطي لحدوثها مبرارات
ماهو لما تقول مثلا اولادي هما حياتي
كلام جميل ربنا يخلي يارب بس افرض اولادك اختفوا مش بقول لسبب مكروه لكن مثلا سافروا تعالوا نشوف هنا الأب او الأم اللي قال اولادي هما حياتي بيحصل ليهم ايه ؟؟
امراض الدنيا تصيبهم – حزن – قلق – خوف
كل ده ليه ؟؟
لأنك ربطت حياتك بأولادك في فكرك وبدأ جسمك يطبق الفكرة دي ان حياته كجسد مرتبطه بوجود الأولاد اختفي الأولاد تختفي الحياة من الجسد .
مقصدش بيه الوفاه لأن طبعا ده له ميعاد وبأمر الله لكن اقصد التبعات السلبيه التي تسبق الوفاة المقدر ميعادها بأمر الله مش عارفين اننا كده بنرسم طريق مظلم تكون نهايته قدر الله المحتم .
طيب وفي ايه ؟
فيه انك بدل ماتقول اولادي هما حياتي وتربط مادي بمادي
حول الأمر لدعوه حلوه بالبركة ليك وليهم وان يكونوا قرة عين لك وان تحصد برهم بحيث لو سافروا او تغيبوا مايتأثرش جسمك بالفكر .
طيب ازاي يعني دول جزء مني ؟
جميل جزء منك يعني لما يختفوا يختفي جزء منك ماهو دي فكرة والجسم بينفذ الفكرة فمجرد اخفتاؤهم يعني اختفاء جزء منك وفعلا بيحصل لكثير من الأباء والأمهات عند اختفاء اولادهم اصابتهم بأمراض خطيرة تضرب اجزء من اجسادهم ماهما جزء منك ...شايفين الدوائر اللي بندخل نفسنا فيها .
هما اولادك لهم صفاتك وبعض جيناتك لكن لهم شخصيتهم وتفكيرهم وحياتهم مش لازم نقول لفكرنا ان دول جزء مننا لان ده بيخلينا نسيطر عليهم ماهو ده برضو ضمن الفكر ماهو انا لما افكر ان اولادي جزء مني يعني اتحكم واسيطر عليهم وامشي كلامي عليهم ماهم جزء مني يعني يطيعوني زي ما ايدي بتطاوعني وعيني بتطاوعني ورجلي بتطاوعني مش هم جزء مني ولما يختفوا نلاقي الجسم نفذ واختفي جزء منك نتيجة المرض اللي ساعتها بنبرر ونقول حزنه علي اولاده لكن الحقيقه هي سوء استخدامه للمصطلحات اللي بتكون فكره وبتعبر عن مشاعره .
شايفين ان كلام بسيط معناه خطير ازاي
تعالوا نكمل
انا فرحتي الحقيقية هي فرحتي بيك
تمام انت كده دخلت جوه تفكيرك ان فرحتك الحقيقية هتكون بالفرحة (س) يعني مهما حصل في حياتك من احداث هتلاقي نفسك مش بتفرح ونرجع نقول مش بنعرف نفرح .... لا الحقيقه انك ربطت الفرح بشئ معين وبالتلي العقل استجاب للفكرة والجسم بينفذها فتلاقي احداث حلوه بتحصل ولايهتز لك شعره فيها لأن الفرحه الحقيقيه هي فرحتي بفلان .
انا من بعدك حياتي ماتساويش
الله علي الحب لكن اللي بيحصل ان من بعد اختفاء الشخص ده فعلا حياة الآخر لن تساوي شئ لأنه خلاص عقله استجاب للفكرة وجسمه خزنها عنده فتلاقي الشخص ده فعلا الحياة لاتساوي شئ عنده فتجده اهمل ذاته وحياته وصحته ونقول اصابه/ اصابتها الذبول بعد اختفاء (س) من الناس .
انا عمري ابتدأ من ساعة ماعرفتك
جميل يعني اللي قبل كده لم يكن شئ ؟؟ حلو العقل بيخزن الفكرة الجسم ينفذ فورا فتلاقي كل ذكرياتك الحلوه بتتلاشي من قدامك ماهو عمرك ابتدأ من ساعة ماعرفت (ص) فلما يختفي تلاقي ساعتها مفيش ذكريات ماقبل المعرفة وتتعذب بذكريات مابعد الفراق لأن ببساطه خزنت جوه عقلك ان عمرك ابتدأ من اللحظة دي وماقبلها منتهي .
جمل كثيرررررررر بنقولها وبنفتكر بكده اننا بنعبر عن الحب بصحيح
لكن احنا ممكن نعبر عن حبنا او فرحتنا او او أو ............ بجمل وعبارات ابسط ومعانيها افضل .
احنا بنتولد صفحة بيضا بس اقلام كثيررررررر بتخطط فيها .
واجبنا لما نفهم نبدأ نصلح الشخبطة اللي اتعملت في الورقة دي ، ومن اهم الشخابيط دي الفاظنا او جملنا اللي فعلا ممكن تسحبنا لما له نهاية واحنا مش عارفين وفي الوقت نفسه مش فاهمين ايه اللي بيحصل لينا .
تعالوا أكد لكم موضوع ذاكره الجسد ده
عارفين كلنا الحديث الشريف اللي بيقال عندما تري مكروه في اخيك
(الحمدلله الذي عافانا مما ابتلي به غيرنا وفضلنا علي كثير مما خلق تفضيلا)
وكمان عارفين ان افضاله انك لاتصاب ابدا بما رأيت علي اخيك .
عارفين بقي ان الحديث ده بيمنع ذاكره الجسد انها تخزن المشهد اللي شافته
بمعني لو رأيت مكروه او مصاب عند اخ لك هنا الجسم بيخزنه ولأن اجسامنا لها طاقه وذبذبات فبيتسجل عليه ذبذبات الخوف أو الإشمئزاز مما رأه
ولأن وفقاً لقانون الجذب الكوني الفكرة تجذب مثيلتها فأنت لماتفكر بخوف من اللي شوفته فإن مارأيته قد تصاب به خصوصا ان الجسد خزن المشهد في ذاكرته فيكون في احتماليه للإصابة به
الحديث الشريف بيمنع الجسد انه يخزن المشهد ده .
طيب ايه علاقة ده بكل اللي رصيته فوق
ده بيأكد لنا ان الجسد له ذاكره مثل ذاكره العقل بل اخطر منها لأنها بتنفذ اي فكرة في رأسك والجمل اللي قلت امثال لها سابقا بتمثل فكرة تتحول لشعور والجسم ينفذها
هقولكم مثال بسيط جدا لتأثير الجسد بالعقل
لما يكون عندك مشوار وعايز تعمله ومش قادر الفكرة هنا عدم قابلية تأدية مهمه ما
الجسد يببدأ يستقبل الفكرة دي ويخزنها ويخرجها علي شكل تعب مفاجئ او ماشابه عشان يمنعك تعمل الفكرة اللي انت مش راضي عنها
يبقي الحل في كل ماسبق
نبني جمل جديدة كلها ايجابيات ... وحب حقيقي .. بعيده عن التعلق وعن احتمالية تنفيذ الجسد لها .
تمني الخير بالدعاء بشكل عام – لاتستعمل كلامات فيها رابط بين امر خاص بك او فكره بشخص لأن الجسد يخزنها وتبدأ تلاحظ حاجات بتحصل مالهاش تفسير غير انك السبب فيها بدون علم .
نغير لغتنا مش مقصود نتكلم انجلش او فرنش .. لا نغير اللغة اللي اتبرمجنا عليها بلغة كلها حب وسلام دون ربطها بشخص.=
0 التعليقات
