كان قلبي ملكك... قصيده.بقلم.حنان الشامي

شارك أصدقائك

• Facebook

• Twitter

• Google+

• Stumble

• Digg

كتبت/حنان الشامي

 

13_8_2022السبت

بقلم/حنان الشامي. 

كان قلبي ملكك

_______

كان قلبي ملكك

بس انت قلبك... مش كفايه

يوم الرحيل... اتكتب فيه النهايه.

.

. 

نسيت لقلبي وبعته ونهيت الحكايه

روحت لغيري

 وجرحت قلبي للنهايه

 كنت الجرئ وقت الرحيل

ضحكتك ملت الطريق. ونسيت لحب كان برئ

وفي الرحيل كنت الجرئ

.

. 

كان قلبي ملكك

بس انت قلبك... مش كفايه

يوم الرحيل.... اتكتب فيه النهايه

.

. 

حرام عليك. تبيع سنين

كانت غرام

وبحور حنين زرعتها من دا الغرام

روحت لغيري.. فرحتها

وتركت ليا آلام كتير

احاسيس بريئه...جرحتها

وزرعت فيها للوجع.. والم كبير..

حرام عليك.. كل الآسي 

سنين وضاعت في الهوا

وحبي  آه اللي اتنسي

ودموع تسيل ويا المسا

.

. 

كان قلبي ملكك

بس  قلبك... مش كفايه

يوم الرحيل... اتكتب فيه النهايه.

.

.

حرام عليك.. هو انت جواك الآسي مصنوع منين؟؟؟ 

سهل الرحيل وروحت للتانيه تميل..

بياع وشاطر في القصايد والكلام

لغيري قولت كل كلمه في الغرام

فوضت أمري للإله

وقولتله.. انك بقلبي لعبت به دمرتني

حقي هيرجع مهما طالت ضحكتك

هدوق دموعي وبكره تنطفي فرحتك

.

.

كان قلبي ملكك

بس انت قلبك... مش كفايه

يوم الرحيل... اتكتب فيه النهايه.

.

. 

كسرت خاطري بالكلام

خليت وداعك بالدموع

صدمتني بقسوة كلامك

عيشتني في بحور دموع

.

.

عيشتني ف وهم الغرام

سرقت مني فرحتي

غرقتني بحلو الكلام

وفجأه. بعت محبتي

.

.

كان قلبي ملكك

بس انت قلبك... مش كفايه

يوم الرحيل... اتكتب فيه النهايه.

.

. 

هعيش بجرحك للرحيل

هدعي الهي الحق يرجع لو بعد حين

لعبت بالطيبه سنين

لكن مشفتش اي غدر كان عليك

بانت حقيقتك واتصدم القلب فيك

فوضت أمري للإله

ماهو عالم بالوجع

سامع لقلبي وكل آه

بدموعي بشكي لربنا

سامع. عليم

هو بأيده كل شئ

هيخلص الدين الكبير

هو بأيده كل شئ

هيخلص الدين الكبير

.

كان قلبي ملكك

بس انت قلبك... مش كفايه

يوم الرحيل... اتكتب فيه النهايه.