موثقه بأمر الله في ديواني تحت الطبع
الأوتار الحزينة
الدنيا ليه جايه عليا
________________
الدنيا ليه جايه عليا
ودموعي كده ماليه عينيا
ده انا لو جابولي طبيب جراح
مش هيلاقولي مداوية
لا ام تجري وتحضني
ولا اخ يساندني ف همي
والكل قال اني قضية
ومفيش صديق بقي يفهمني
يا ابويا ليه سبت الدنيا
سبت الهموم تكتر فيا
صورتك ف قلبي وقصادي
لكن الزمن جاي عليا
الدنيا ليه جايه عليا
ودموعي كده ماليه عينيا
ده انا لو جابولي طبيب جراح
مش هيلاقولي مداوية
ف الحلم يا أبا بتزرني
تمسح لدمعي وتحضني
طبطب عليا يا أبويا كمان
قرب لقلبي وطمني
الكل بيدمع عيني
والحزن والهم شاريني
ولو صرخت وقلت الآه
تنزل دموعي وتكويني
الدنيا ليه جايه عليا
ودموعي كده ماليه عينيا
ده انا لو جابولي طبيب جراح
مش هيلاقولي مداوية
من بعد ابويا مفيش افراح
والعين بتبكي ومش مرتاح
والروح يتنزف بجروحي
مفيش مسا ولا حتى صباح
ملقتش غير . هم واحزان
سهر وفرقه وويل والالام
مفيش امل ولا حتى امان
والعين خلاص مبقتش تنام
ده الفكر اصبح مش مرتاح
والعقل عايش جفا وجراح
َحتي اللي كان ليا هجرني
اخد لفرحي وعمري وراح
الدنيا ليه جايه عليا
ودموعي كده ماليه عينيا
ده انا لو جابولي طبيب جراح
مش هيلاقولي مداوية
قلت اما احن ع نفسي
واخد من الأحزان نفسي
يمكن يا فرحة تزوريني
ونهاري يتحلى بشمسي
لقتني ليل وياه احزان
ودموع بتسكن للأحلام
ومفيش امان او حتي حنان
مفيش خلاص الا الأحزان
الدنيا ليه جايه عليا
ودموعي كده ماليه عينيا
ده انا لو جابولي طبيب جراح
مش هيلاقولي مداوية
بقلم.... حنان الشامي
0 التعليقات
