قالتلي عيد
مفهماشي
فقلتها بحبك موت
سوا رايده ماريداشي
ومش هرضى لحبي يموت
ولا ينداس من الماشي
فردت بس من غير صوت
مفهماشي
فقلتلت أله
أنا منك ومن طينك
وذرة ضمن تكوينك
وعاشق رفرفة علمك
وعاشق ضمن عاشقينك
وأنا يا حته من قلبي
كتبت ف عشقك القوانين
وعايز كل من عايش على أرضك
يكونوا بالحياة راضيين
ومعنى الدولة يا بلدي
ماهش من رملة بس وطين
وزي ما طالبة وطنية
فخلي فيكِ حس وعين
ماترميش الفقير عالطل
وعزك يبقا للتانيين
ماردتشي وحاسة بالخجل مني
عشان كاشف ملامحها
ومين شاري ومين باعها
وعشت ف قصرها العالي
ونمت ف طل شوارعها
بقيت م العالي للواطي
بقلب ليها مواجعها
وافتتح كل مواضيعا
وطال بينا الكلام عنها
ومين خانها
فخافت منه يسمعها
وقالت بس ماتكملش
أنا لنزاعكم الملعون مابطمنش
سوا فيكم عيوب ولا
من الدم اللي راح منا
مابقدرش أحوش عنكم
ولا بقدرش أتخلى
فقلتلها كلامك زين
لكن ترضي يكون ده كبير
يقول لينا يانور العين
ويحفر فيكي قبر كبير
ويتنازل فيتغازل
بجد أصحي ده وضع خطير
قالتلي كنتوا عاوزينه
وياما طالبتوا يبقى كبير
متقلشي على حدودي
ده ساب بس تيران صنافير
وقال أنه ماهوش راضي
يكون حقي ف أرض الغير
وأنا فاهمه بكام باعني
وضيع مني معنى الخير
بقيت أضرب أنا أخماس على أسداس
شبابك يا بلد ينداس
وتعملي حفلة للأنجاس
وترضي بس من غلبك
فيبقالهم كمان حراس
قالتلي بس ماتكملش
وتطلع مين
فرد لساني ولوحده
أنا يامصر دم وطين
أنا المطحون ف أسعارك
وأشعارك
وفرق العملة من دمي
مايتحولش لدولارك
أنا الدعم اللي راح منك
لتجارك
أنا المصري البسيط عاشقك
في كل كلامي بختارك
أنا نيلك وسد النهضة جزارك
أنا الشارع أنا المرسى أنا دارك
أنا الولد اللي صد الخوف
وناوي يبقا مشوارك
وأنا الشجر متقطع
بمنشارك
أنا اللي يخونك أنتي ف يوم
هكونله ف حلقه مسمارك
عرفتني
فطلت ليا وابتسمت بشكل الخير
وقالتلي ماتيجي نبدأ التغيير
0 التعليقات
